ӨНДӨРЖҮҮЛСЭН БЭЛЭН БАЙДАЛ ЗАРЛАСАН ҮЕД АВЧ ХЭРЭГЖҮҮЛЖ БАЙГАА АРГА ХЭМЖЭЭ

Сумын онцгой комиссын дарга Цагаан-Уул сумын Засаг дарга С.Гончигнямаар ахлуулсан ажлын хэсэг Агар багт өвс тэжээл хүргэх, хаагдсан зам давааг нээх ажлыг зохион байгууллаа.

2024 оны 03 дугаар сарын 01-ны 18:00 цагт Агар баг руу Ковш машинаар 121 км зам давааг нээж, 2024 оны 03 дугаар сарын 03-ны 15:00 цагт Сумын төвд буцаж ирэв. Энэ замыг нээснээр Агар, Өвгөдийн малчдын зорчих хөдөлгөөн саадгүй боллоо. Мөн 2024 оны 03 сарын 02-ны өдөр 150 ширхэг пресс өвсийг, 30 өрхөд хүргэж өгсөн байна.

Дээрх үйл ажиллагааг гүйцэтгэхэд: Ковш машин 1, ЗИЛ-131 машин 1, ланд 105 машин 1, нийт 3 машинаар сумын онцгой комиссын дарга Цагаан-Уул сумын Засаг дарга С.Гончигням, Агар багийн Засаг дарга Г.Маналжав, ГДОНӨҮГ дарга Д.Мөнх-Очир, зэвсэгт хүчний 110 дугаар ангийн 2 албан хаагч, мөн агар багийн иргэд хамтран ажиллалаа.