Засаг даргын мэндчилгээ

Орон нутгийн уугуул хэвлэл болох “Цагаан-Уул” сонингоо уншин суугаа танд энэ өдрийн мэндийг өргөн дэвшүүлье. Өнгөрч байгаа тахиа жил Цагаан-Уулчууд бид бүхний хувьд амжилт бүтээл арвин сайхан жил боллоо. Тухайлвал иргэдийн хүсэн хүлээж байсан, ирээдүй хойч үе, хүүхэд багачуудын сурч боловсрох орчин нөхцөлийг сайжруулах томоохон бүтээл байгуулалт болох 150 хүүхдийн цэцэрлэг, 320 хүүхдийн хичээлийн шинэ байр зэрэг ашиглалтанд орлоо. Олон жил өсгөн үржүүлж ирсэн хонин сүргээ үүлдэр болгон батлуулж малчдын бодит орлого нэмэгдэхээс гадна “Цагаан-Уул хонь”-ны зах зээлд өрсөлдөх чадвар, үнлэмжийг дээшлүүлэх сумын хэмжээний томоохон бодлогын ажил хийгдэж дууслаа. Малчин түмний хөдөлмөрийн үр шимээр таван хошуу мал маань төрөл тус бүр дээрээ өсөлттэй гарч, аймагтаа адуу, тэмээ, хонин сүргээрээ тэргүүлэхийн зэрэгцээ нийт мал сүргийнхээ тоогоор баймагтаа тэргүүлдэг амжилтаа дахин баталлаа. Сумын түүхэнд үлдэхүйц дээрх ололт амжилтыг хамтдаа бүтээлцсэн нийт төрийн албан хаагч багийнхаа хамт олонд болон, хөдөлмөрч малчиддаа талархал илэрхийлье. Айлчлан ирж байгаа нохой жилд ч мөн адил олон олон шинэлэг ажлууд хийгдэхээр төлөвлөгдсөн болно. 16 ортой орчин үеийн стандартын шаардлага хангасан шинэ эмнэлэгийн барилгын сумандаа бариулах, музей номын сангийн барилгаай болох, мөн хуурай сүүний үйлдвэр, малын өлөн гэдэс боловсруулах жижиг хэмээний үйлдвэр зэрэг бүтээн байгуулалттын ажлууд хийгдэхээр төлөвлөгдөж байна.

Ингээд нутгийн зон олон та бүхэн маань

Хатуу өвөл харьж, урин хавар айсуй
Хамаг бэрхшээл үлдэж, угтах баяр айсуй
Буурал жил улирч, буянт жил морилох нь
Өвгөн жил харьж, өлзийт жил золгох нь
Дорнын зурхайгаар мөрөө гаргаж
Долоон бурхандаа дээжээ өргөж
Дээдэс өвгөддөө хүндэтгэн золгож
Дүүрэн жаргалтай түвшин амгалан
Сар шинэдээ сайхан шинэлээрэй

Цагаан-Уул сумын Засаг дарга Дамчинрагчаан Түмэнбаяр

Утга найруулгыг хянаж засварлахыг хүсье